चेक बाऊन्सचा प्रकार उघड; ५ जणांवर गुन्हा दाखल
(विशेष प्रतिनिधी):शहर व परिसरात प्लॉट खरेदीच्या नावाखाली बनावट दस्तऐवज, बोगस ७/१२ उतारे आणि शासनाचे बनावट ऑनलाइन चलन तयार करून एका गॅरेज चालकाची तब्बल ३२ लाख ५०० रुपयांची (३२,००,५००/- रु.) महाफसवणूक झाल्याचा धक्कादायक प्रकार आज आयोजित पत्रकार परिषदेत उघडकीस आला आहे.
या भू-माफियांच्या रॅकेटने चक्क एका मयत व्यक्तीला जिवंत दाखवून बनावट खरेदीखत केले असून, यातील एका प्रकरणात चाळीसगाव रोड पोलीस ठाण्यात ५ जणांवर गुन्हा दाखल झाला आहे. दुसऱ्या प्रकरणाबाबत धुळे न्यायालयात फौजदारी दावा प्रलंबित आहे.फिर्यादी हबीबुर रहमान अतिकुर रहमान अन्सारी (रा. कामगार नगर, हजार खोली, धुळे) यांनी पत्रकार परिषदेत या महाफसवणुकीची सविस्तर माहिती आणि कागदपत्रे प्रसारमाध्यमांसमोर सादर केली.प्रकरण १: ‘डबल खरेदी’, बनावट हमीपत्र आणि चेक बाऊन्सप्लॉटचा तपशील: सर्वे नं. ४४९, प्लॉट नं. ३८ (अविष्कार कॉलनी), १५०० चौ. फूट.पोलीस ठाणे: चाळीसगाव रोड पोलीस ठाणे (एफ.आय.आर. क्र. ०२३०/२०२६)फसवणुकीची रक्कम: ७,००,०००/- रु.नेमके काय घडले?फिर्यादींनी संशयित आरोपी नईम अख्तर मोहम्मद अन्सारी व शराफत अली सय्यद यांच्याकडून मध्यस्थामार्फत या प्लॉटचा सौदा केला होता. बयाना आणि खरेदीखत खर्चापोटी आरोपींनी फिर्यादीकडून ७ लाख रुपये रोख घेतले. मात्र, आरोपींनी हाच प्लॉट हाजी कासम तांबोळी व अब्दुल हाफिज तांबोळी यांना आधीच विकून ‘डबल खरेदी’ (दुसऱ्यांदा विक्री) केल्याचे उघडकीस आले.पैसे परत मागितले असता, आरोपींनी ICICI आणि बँक ऑफ महाराष्ट्रचे एकूण ६.५० लाखांचे चेक दिले, जे खात्यात पुरेशी रक्कम नसल्याने बाऊन्स झाले. त्यानंतर आरोपीने ५०० रुपयांच्या स्टॅम्पवर नोटरीकृत हमीपत्र लिहून देत पैसे ३ टप्प्यांत परत करण्याचे लिखित आश्वासन दिले, मात्र मुदत उलटूनही एकही रुपया परत केला नाही.दाखल गुन्ह्यातील ५ आरोपी: नईम अख्तर मोहम्मद अन्सारी, शराफत अली सईद अली सय्यद, नदीम अब्दुल हाफिज अन्सारी, मुश्ताक मोहम्मद जाहिद अन्सारी आणि आबिद लतीफ अन्सारी. यांच्यावर भारतीय न्याय संहितेच्या विविध कलमांखाली गुन्हा नोंदवण्यात आला आहे.प्रकरण २: मयत व्यक्तीला जिवंत दाखवून बनावट खरेदीखतजमिनीचा तपशील: १०० फूट रोड, गट क्र. ४०४/२ पैकी १ (क्षेत्र ० हेक्टर १५ आर)न्यायालयीन दावा: फौ. कि. अर्ज क्रमांक ९४३/२०२३ (मा. मुख्य न्यायदंडाधिकारी धुळे)फसवणुकीची रक्कम: २५,००,५००/- रु.नेमके काय घडले?दुसऱ्या प्रकरणात फिर्यादीची खरेदी व्यवहारापोटी २३,५०,०००/- रु. ची फसवणूक झाली. धक्कादायक बाब म्हणजे, या जमिनीचे मूळ मालक उत्तम जंगम माळी यांचे २१ जून २०१३ रोजीच निधन झाले होते. असे असतानाही, २०१९ मध्ये त्यांना जिवंत दाखवून बोगस कागदपत्रांच्या आधारे फिर्यादीला बनावट खरेदीखत करून देण्यात आले.तसेच, खरेदीखताच्या नोंदणीसाठी लागणारी स्टॅम्प ड्युटी फी (१,५०,५००/- रु.) प्रत्यक्ष सरकारी खात्यात जमा न करता MH004215304/2019 (दि. २०/०४/२०१९) या क्रमांकाचे खोटे ऑनलाइन चलन तयार करून शासनाची आणि फिर्यादीची उघड फसवणूक केली. या प्रकरणी धुळे न्यायालयात फौजदारी केस सध्या सुरू आहे.फसवणुकीचा एकूण आर्थिक तपशीलतपशील रक्कम (रुपये)प्लॉट १: सर्वे नं. ४४९ (बयाना, खर्च व बाऊन्स चेक) ७,००,०००/-प्लॉट २: गट क्र. ४०४/२ (खरेदी व्यवहार रक्कम) २३,५०,०००/-प्लॉट २: बनावट ऑनलाइन चलनाद्वारे स्टॅम्प ड्युटी फी १,५०,५००/-एकूण फसवणूक ३२,००,५००/-भू-माफियांवर कठोर कारवाईची मागणीएकाच प्लॉटची दुबार विक्री करून बोगस चेक देणे, मयत व्यक्तीच्या नावे बनावट दस्तऐवज तयार करणे आणि शासनाचे खोटे चलन तयार करून लाखो रुपयांचा महसूल बुडवणाऱ्या या भू-माफिया रॅकेटवर व मुख्य संशयितांवर तातडीने कठोर कारवाई व्हावी, अशी जोरदार मागणी फिर्यादी हबीबुर रहमान अन्सारी यांनी पत्रकार परिषदेत केली आहे. शासनाचा महसूल बुडवल्याने महसूल प्रशासन आता याप्रकरणी काय पावले उचलते, याकडे शहराचे लक्ष लागून आहे.
